Friday, January 6, 2012

പര്‍ദ്ദക്കുള്ളിലെ മനോവേദനകള്‍

ഒരു പര്‍ദ്ദക്കാരിയുടെ  മനോവേദന ആര്‍ക്കു അറിയണം?
നിങ്ങള്‍ ആരേലും ആലോചിച്ചിട്ടുണ്ടോ? നല്ല ഒന്നാന്തരം നസ്രാണിയായ  ഞാന്‍...... ..അതെ ഈ ഞാന്‍ തന്നെ...ഇപ്പോള്‍ ദേ ഈ പര്‍ദയില്‍..... കര്‍ത്താവു തമ്പുരാന്‍ സഹിക്കുമോ? ആ...എന്നാ പറയാനാ...മാസാ മാസം ആ കാശു തരണ കുന്ത്രാണ്ടത്തിന്റെ മുന്നില്‍ ചെന്ന് കുത്തി കാശ് എടുക്കുമ്പോള്‍ ആണ് അല്പം വേദനക്ക് ആശ്വാസം...എന്നാലും  നല്ല ചുള്ളന്‍ പയ്യന്മാരെ ഒക്കെ വായും നോക്കി അടിച്ചു പൊളിച്ചു നടന്ന ഒരു പാവം മാന്‍ കിടാവായ ഞാന്‍ ..ഈ അറബി നാട്ടില്‍ ..ശോ ..ഈശോയെ...ഓര്‍ക്കുമ്പോള്‍ ചങ്ക് പൊടിഞ്ഞു വയറ്റില്‍ ചാടുന്നല്ലോ...എല്ലാം കൂടി വാരി പെറുക്കി തിരിച്ചു ചങ്കിന്റെ അകത്തു തന്നെ വെച്ച് ഒരു ഷോപ്പിങ്ങിനു പോകാന്നു വെച്ചാല്‍ അവിടേം പ്രശ്നം...സുന്ദരകുട്ടപന്മാരായ ചേട്ടന്മാരെ നോക്കി ഒന്ന് കണ്ണടച്ചാലോ ഒന്ന് ചിരിച്ചാലോ..കുറ്റം..അല്ല അതിലൊക്കെ എന്നതാ ഈ കുറ്റം..പണ്ടൊക്കെ ഈ പറയണ ചേട്ടന്മാര്‍ നമ്മളെ ഒക്കെ കണ്ടാല്‍ ഒന്ന് നോക്കുമാരുന്നു..ഇപ്പോള്‍ ലവന്മാര്‍ക്കും പേടിയാണത്രെ...കാര്യം എന്താണെന്നോ ...ആരോടും പറയല്ലേ രഹസ്യമാ സംഗതി...ഒരു സുന്ദരന്‍ ചേട്ടന്‍ ഒരു പെണ്‍കൊടിയുടെ ദേഹത്ത് തൊട്ടതിനു കൈ വെട്ടി എന്ന്...ഇനി വേറെ എന്തേലും ചെയ്താല്‍ നമ്മുടെ ജലസേചന വകുപ്പ് തന്നെ നഷ്ടപെടുന്ന കാര്യമല്ലേ? പിന്നെ ഇന്ത്യ യുടെഭാവി എന്താകും?


ഇതെല്ലം ഓര്‍ത്തു ഞാനും ഒന്ന് തീരുമാനിച്ചു...നമ്മുടെ രാജ്യം സംരക്ഷിക്കേണ്ടത് നമ്മള്‍ടെ ആവശ്യമല്ലേ? എന്തിനാ വെറുതെ ഈ അറബികള്‍ക്കൊക്കെ പണി കൊടുക്കുന്നെ? അതിനാല്‍ ഈ മനോവേദന ഈ പര്‍ദയില്‍ അവസാനിപ്പിക്കാം അല്ലെ?